Wednesday, March 11, 2015

Faqat Rehmat-e-sohbat tak bhi naa barsi humpar

Faqat itna toh Socha hee hota juda hone se pehle
Kya faaslaa badhaane se mit jayegi mohabbat
Shab-e-vasl-e-yaar mein juda hone se pehle
Faqat mukhtasar lamhon ke liye toh barsa dee hoti humpar rehmat-e-sohbat
Teri bahon se mehroom ye hayat mangti hai bheekh judai ki
Aur aankhon mein qaid ashq mangte hain ijaazat rihaai ki
Kaun karega tere liye musalsal dua jo maanlee humne baat hayat ki
Kyaa farak padegaa tujhe jo maanlee humne baat ashqon ki
Bas yahee sochkar zindaa hain
Bas yahee sochkar ashqon ko aankhon mein qaid kiya hai
Tere liye aaj bhee shifa ki dua karte hain
Mohabbat tujhmein nahin par hummein aaj bhi zinda hai...

No comments:

Post a Comment